cowiechang

和歌山巿內有一個專賣海鮮o既巿場, 叫做黑潮巿場. 裡面有各類刺身, 壽司賣, 最開心係可以買海鮮即場燒烤. 巿場隔離就有好多炭爐, 唔洗錢o架, 仲有專人幫手開爐~~~ 非常方便~~~

丸駒溫泉位於北海道千歲巿o既支笏湖. 男湯同女湯各自都有兩個露天溫泉, 一個係面對住支笏湖, 而另一個直情係連住支笏湖!! 即係你會覺得自己好似浸o係個湖裡面咁, 非常好feel!!

o係小樽o既K's Blowing就有吹玻璃體驗, 首先揀杯款, 跟住staff會全程幫手, 其實自己只需吹幾下! haha~ 不過都幾好玩呀~~

原來真係要好大力吹先得!! staff會提醒你幾時要大力, 幾時要細力, 佢地能操簡單英文, 所以溝通得到! 吹完之後仲要再燒, 可以自己第二日o黎pickup, 或者由佢地送去你酒店都可以.

Yorkshire Farm係一間民宿, 位於北海道o既新得町, 特色係有得玩羊仔! 仲可以學做羊毛氈手工!

房間佈置好精緻, 好country feel, 房內仲有洗手間, 非常方便! 晚餐方面, 當然係食羊肉啦~~ 好好味o架~~ 連個粟米湯都好正~~

民宿裡面仲有一個羊牧場, 有好多羊仔!! 我地去o既時候係冬天, 所以所有羊仔都訓o係佢地間屋仔裡面, 個個眼啤啤, 但又唔郁, 好搞笑~~~

牛角o係日本好多地方都有, 我地今次食呢間就o係札幌o既stellar place. 牛角算係價錢平, 而質素又唔差o既燒肉店, 除左牛肉之外, 推介羊肉, 豚舌同埋我最愛o既凍豆腐~~

上高地係日本中部一個自然保育區同國立公園. 怇地真係好努力去保護呢個地方, 周圍都好乾淨, 一d垃圾都冇!!

去上高地o既唯一活動就係行山, 但佢沿途o既景色實在太靚, 連我呢d平時唔鍾意行山o既人都覺得好enjoy, 好舒服!

原本想去友夢牧場玩搾牛奶(1575yen)同餵牛BB飲奶(1575yen), 可惜book唔到. 於是膽粗粗走入去, 睇下可唔可以參觀. 牧場o既staff非常好人, 真係俾我地入去, 開心死我~~ 入到去見到好多好多隻黑白色o既乳牛, 覺得佢地好乾淨又好靚~~~ 仲有幸見到牛媽媽生BB添!! 最後o個張相就見到牛BB對腳仔已經出左o黎喇~~

友夢牧場係位於十勝o既新得町, 其實新得町仲有好多野玩, 有得整蕎麥麵, jam, 玩羊仔等等, 不過冬天就好多地方都唔開, 夏天去就好d~~

誠意推介加賀の湧泉(dormy inn), 我上年去o既呢間係位於金沢, 雙人房只需6300yen, 雖然房間唔大, 但成間酒店都好新淨, 仲有得浸溫泉, 最重要係好近金沢駅~~~ 交通非常方便, 而且對面有個商場, 正~~

成塊面咁大o既帶子, 一盒5隻都只係750yen, 好抵呀!! 日本o既帶子食落好有質感, 唔係一pat野咁, 好味呀~~~

Aeon Mall 係我每次去日本必去o既地方, 日本好多地方都有, mall 裡面必會有間好大o既超巿, 可以睇下日本各樣得意o既食品, 仲會有好多boutique, 而價錢係比較affordable o既, 同埋會有好多食肆, 所以o係個mall就可以hea大半日!