星期日嘅關係，我地早啲出發，九點多去到大阪城，第一時間去買水上觀光Aqua Liner飛，點知想買12點滿哂，唯有坐加班的12點半。之後喺大阪城公園周圍行下，呢度啲櫻花盛開。喺西の丸庭園望過去嘅大阪城係最好嘅位置，但要另外收費(350yen)。

約定喺集合地點等埋啲團友，點知阿嫂行錯路，爭啲miss咗船河。水上觀光Aqua Liner睇好多書都極力推薦喺櫻花期間一定要坐，但坐完覺得只係好一般，甚至有啲悶添，如果係坐open air個啲會更加好，但唔知喺邊一度坐呢？

賞櫻點最後一站係万博公園，呢度櫻花都係盛開，星期日人真係多得很呢！

かに道楽 - http://douraku.co.jp/

淨係喺道頓堀已經有3間之多，我地當日下午至打電話去訂，要打到第3間比較行遠少少至訂到有位。

唔識日文喺呢度絕對唔緊要，佢有好多set兼圖文並貌說明。

仲有，呢度啲餐由3千幾yen起，去到大阪我地亦有叫當地出名嘅箱壽司。

海遊館位於地鐵中央線大阪港站再行5分鐘的位置。

最吸引我地嘅當然係呢度兩條鯨鯊啦！不過見個缸咁細，見到佢地又覺得好可憐。

イルカ(淨係知道日文)係廿週年紀念新加動物，通常只可以喺冰潛至見到，佢好似成日都笑緊咁。

仲有喺Similan見唔到嘅豹紋鯊。

呢度啲水母都幾靚。

之前一晚買嵯峨野トロッコ列車飛時好多都已經滿哂，只係淨番最早個班由トロッコ嵐山至トロッコ亀岡，無辦法下都要買呢一班，景色只係一般，覺得秋天睇紅葉會好啲。

到達トロッコ亀岡站，需要行去馬堀駅搭車回嵐山，一到站遠處已望到一片油菜花田。

回到嵐山，慢步前往天龍寺，首先去側旁出名的竹林之道。

天龍寺主要係睇垂櫻，可能今日係星期六的關係，真係多咗好多人，啲建築物又密，好難影得靚。

遊畢後，沿大道行往渡月橋及嵐山公園，呢度啲櫻花都開咗好多。

仁和寺為世界遺忘，亦都係舊御室御所。

金閣寺 - 京都必去景點之一，金光閃閃的外表，與其他寺確實很不同。

清水寺 - 又係京都必去景點之一，清水舞台係春天賞櫻及秋天賞楓的好地方。

哲学の道係京都另一賞櫻地方，可惜我地去到已經開始無乜陽光，唔係呢度真係幾靚，啲櫻花又生得密麻麻。

大安食燒海鮮，呢度地方細細，我地8個人要分開點食物。

札幌市中央区南4条西4 ススキノ　ラフィラ７F

晚餐於薄野的しゃぶ禪，上年嚟過，覺得呢度啲牛肉好香，揀咗最貴嘅黑毛和牛任食，每人5,800yen，加埋任飲每人1,500yen，download咗coupon有9折，又係食到好飽嘅一餐。

美瑛選果 - 選用新鮮蔬菜及素材嚟做每一道菜，非常好味！

十勝川温泉　第一ホテル，呢個溫泉第一次嚟，但佢喺北海道都好出名架！

今晚揀咗食宴會餐，唔駛好似尋晚咁食到好飽。

又嚟一早浸下溫泉，呢度啲溫泉水好滑，連阿媽都嚟浸多次。

あかん遊久の里 鶴雅check-in後，到溫泉街周圍行下，春天嘅阿寒湖同冬天真係好唔同。

今次住個間房大啲，一邊係廳，另一邊係兩張床，3個人有1個瞓tatami。

襯仲有日光，就去一樓露天溫泉，可以望到阿寒湖，因為第二朝早就只係可以去頂樓嘅露天溫泉。

晚餐係喺天河食自助餐，呢度上年冬天嚟過，好多選擇 - 日式、意式及中式食物，日式有勝手丼及燒牛柳，淨係食呢兩樣嘢已經好滿足，仲要加埋有好多款甜品，呢一餐又食到好飽。

早上又去浸下溫泉，朝早轉咗要去天台果個，上年嚟有啲設施裝修，今次全部開番喇！